Samsung UE46F7000STXXH, UE46F8000STXXH, UE40F8000STXXH manual Anynet+ HDMI-CEC, Masat paraprake

Anynet+ (HDMI-CEC)

Ky SMART TV është i pajisur me Anynet+ (HDMI-CEC), një veçori që mundëson kontrollimin me lehtësi të pajisjeve të jashtme Samsung të lidhura me televizorin. Me anë të Anynet+ (HDMI-CEC), mund të përdorni telekomandën e televizorit për të komanduar të gjitha pajisjet e përputhshme Samsung që lidhen me televizorin. Sidoqoftë, Anynet+ (HDMI-CEC) funksionon vetëm me anë të telekomandës dhe jo me anë të butonave të panelit.

Masat paraprake

●● Kjo veçori nuk mbështet produkte të prodhuesve të tjerë.

●● Pajisjet Anynet+ duhet të lidhen me televizorin me një kabllo HDMI. Disa kabllo HDMI mund të mos mbështesin Anynet+ (HDMI-CEC). Në këtë rast, duhet të zëvendësoni kabllon HDMI.

●● Telekomanda e televizorit mund të mos funksionojë në kushte të caktuara. Në këtë rast, zgjidhni përsëri pajisjen Anynet+.

●● Anynet+ (HDMI-CEC) funksionon vetëm me pajisjet e jashtme që mbështesin Anynet+ (HDMI-CEC) dhe vetëm kur ato pajisje janë në modalitet pritjeje ose të ndezura.

●● Anynet+ (HDMI-CEC) mund të kontrollojë deri në 12 pajisje të jashtme të përputhshme (deri në 3 të të njëjtit lloj). Me disa sisteme të kinemasë në shtëpi, sidoqoftë, numri i sistemeve që mund të kontrollohet është i kufizuar në një.

●● Sistemi i kinemasë në shtëpi që është lidhur me televizorin me anë të një kablloje HDMI dhe një kablloje optike mbështet vetëm audio 2-kanalëshe. Sidoqoftë, kinemaja në shtëpi mund të mbështesë audio 5.1-kanalëshe nga transmetimet dixhitale.

●● Për të dëgjuar audion 5.1-kanalëshe nga pajisje të jashtme, lidhni pajisjen me televizorin me anë të kabllos HDMI dhe folenë e daljes audio dixhitale të pajisjes direkt në sistemin e kinemasë në shtëpi.