Samsung UE55F9000STXXH, UE46F7000STXXH manual Ndërveprimi Smart, Masat paraprake, Njohja e fytyrës

Ndërveprimi SMART

Me anë të këtij funksioni mund të përdorni dhe të kontrolloni opsionet dhe funksionet e menysë me anë të lëvizjeve.

Kur përdoret veçoria Kontrolli me lëvizje për herë të parë, televizori duhet të jetë i lidhur me internetin në mënyrë që të shkarkojë modulin e softuerit që i përket Kontrolli me lëvizje. Duke përdorur këtë veçori, përdoruesit mund ta kontrollojnë televizorin më lehtë dhe më shpejt. Duhet të kalojnë rreth 15 sekonda nga ndezja e televizorit që Kontrolli me lëvizje të jetë gati.

––Kontrolli me lëvizje dhe Njohja e fytyrës mund të mos disponohen në të gjitha rajonet dhe territoret.

––Disa veçori të Smart Hub të Samsung mund të mos disponohen pa pranimin tuaj konkret për mbledhjen dhe përdorimin e informacioneve personale.

Masat paraprake

Njohja e fytyrës

Ky produkt ruan imazhet miniaturë të fytyrave të përdoruesve në mënyrë që t'i përdorë gjatë identifikimit me anë të fytyrës. Identifikimi në Smart Hub me anë të njohjes së fytyrës mund të jetë më pak i sigurt se sa identifikimi me anë të përdorimit të ID-së dhe fjalëkalimit.

Përdorimi i kamerës së televizorit

Në disa rrethana dhe sipas disa kushteve ligjore, përdorimi/keqpërdorimi i kamerës së televizorit mund të rezultojë në përgjegjësi ligjore. Mund të ketë detyrime sipas ligjeve vendase mbi privatësinë në lidhje me mbrojtjen e individëve për sa i përket të dhënave personale dhe qarkullimit të lirë të këtyre të dhënave dhe sipas ligjeve të tjera të mundshme, duke përfshirë ligjet penale, që rregullojnë mbikëqyrjen me kamera si në vendin e punës, ashtu edhe në ambiente të tjera.

Për përdorimin e kamerës së televizorit, përdoruesit bien dakord që të mos e përdorin kamerën (i) në vende ku në përgjithësi ndalohet përdorimi i saj (si p.sh. në tualete, në dhomat e zhveshjes), (ii) në një mënyrë të tillë që rezulton në shkeljen e privatësisë së personit ose (iii) në shkelje të ligjeve në fuqi, të rregulloreve ose të statuteve.

Nëse do të përdorni kamerën, fillimisht kontrolloni pjesën e pasme për ngjitëse. Hiqni letrën e ngjitëses përpara se të rregulloni këndin e kamerës së televizorit.

Kur nuk e përdorni më kamerën, rrotulloni lenten në pozicionin drejt dhe sigurojeni në vend. Kjo parandalon funksionimin e pakujdesshëm ose të paqëllimshëm të kamerës.