Важни безбедносни упатства
1.Прочитајте го внимателно упатството. Пред да започнете со употребата, проверете дали напонот на вашата електрична мрежа е идентичен со напонот означен на плочката од апаратот, која се наоѓа на долната страна од правосмукалката.
2.ВНИМАНИЕ: Со правосмукалката не смеат да се чистат мокри подови и ќилими. Правосмукалката не смее да се користи за собирање на течности.
3.Кога апаратот е користи во близина на децата, или кога тие го употребуваат, неопходен е надзор од возрасно лице. Не дозволувајте правосмукалката да се користи како играчка. Не дозволувајте правосмукалката да се употребува невнимателно. Користете ја правосмукалката само за нејзината основна намена, која е пропишана во ова упатство.
4.Во никој случај не ја вклучувајте правосмукалката без кеса за нечистотија. Менувајте ја кесата за нечистотија пред да се наполни целосно, за да се задржи поголема ефикасност.
5.Не ја користете правосмукалката за собирање на кибрит, пепел и догорчиња од цигари. Чувајте ја подалеку од печки и слични извори на топлина. Високата температура може да ги издеформира пластичните делови и да ја уништи бојата.
6.Не всмукувајте цврсти и остри делови (на пр. шајки) кои можат да ги оштетат деловите на правосмукалката. Не го газете цревото и не ставајте врз него никаква тежина. Не ги блокирајте отворите за всмукување и издув на воздухот.
7.Пред да го извлечете кабелот од струја, исклучете го апаратот преку главното копче за вклучување и исклучување. При исклучувањето од струја, не го влечете самиот кабел, туку повлечете ја приклучната вилушка (утикач). Пред секое менување на кесата, задолжително исклучувајте го апаратот од струја.
8.Не дозволувајте правосмукалката да ја користат млади лица и лица со одредена попреченост, пред да им се објасни детално начинот на употреба и да им се воочат опасностите кои можат да настанат поради неправилната употреба.
9.Пред да почнете да ја чистите, задолжително исклучете ја правосмукалката од струја.
10.Не се препорачува користењето на продолжен кабел.
11.Доколку забележите дека правосмукалката не работи исправно, исклучете ја од струја и контактирајте со овластениот сервисер.
12.Доколку електричниот кабел се оштети, мора да биде заменет со нов, од страна на производителот, овластениот сервисер или друго квалификувано лице. Не се обидувајте самите да го менувате кабелот.
13.Не ја носете правосмукалката држејќи за цревото. Користете ја рачката за носење.
