Қауіпсіздік ақпараты

3D функциясын пайдалану

3D БЕЙНЕЛЕРІНЕ АРНАЛҒАН МАҢЫЗДЫ ДЕНСАУЛЫҚ САҚТАУ ЖӘНЕ ҚАУІПСІЗДІК АҚПАРАТЫ.

3D функциясын пайдаланбас бұрын, төмендегі қауіпсіздік ақпаратын оқып, түсініп алыңыз.

•3D бейнесін тамашалау барысында, кейбір көрермендер бас айналу, лоқсу және бас ауыру сияқты ыңғайсыздықтарды сезіну мүмкін.

Осындай симптомдардың кез келгені пайда болса, 3D бейнесін көруді тоқтатып, 3D көзілдірігін шешіп, демалыңыз.

•3D бейнелерін ұзақ көру көзді ауыртуы мүмкін. Көз ауырса, 3D бейнесін көруді тоқтатып, 3D көзілдірігін шешіп, демалыңыз.

•3D функциясын пайдаланып отырған балаларды жауапты ересек адам жиі тексеріп отыруы тиіс.

Көздердің талғаны, бас ауруы, бас айналуы немесе лоқсу жағдайлары байқалса, балалардың 3D бейнесін көруін тоқтатып, оларды демалдырыңыз.

•3D көзілдірігін басқа мақсаттарда (мысалы, әдеттегі көзілдірік, күнге қарсы көзілдірік, қорғайтын арнайы көзілдірік, т.б.) пайдаланбаңыз

•Жүріп бара жатқанда немесе қозғалыс кезінде 3D функциясын немесе 3D көзілдірігін пайдаланбаңыз. 3D функциясын немесе 3D көзілдірігін қозғалыс барысында пайдаланса, бірдемеге соғуға, сүрінуге және құлап қалып, ауыр жарақат алуға әкелуі мүмкін.

4 Қазақша

•3D мазмұнын тамашалау үшін, 3D құрылғысын (3D қолдайтын AV ресивер немесе теледидар) жоғары жылдамдықты HDMI кабелінің көмегімен ойнатқыштың HDMI OUT портына жалғаңыз. 3D бейнесін ойнатпас бұрын, 3D көзілдірігін тағып алыңыз.

•Ойнатқыш 3D сигналдарын тек HDMI OUT портына жалғанған HDMI кабелі арқылы шығарады.

•3D ойнату режимінде бейненің ажыратымдылығы бастапқы 3D пішімді бейненің ажыратымдылығына сәйкес орнатылатындықтан, ажыратымдылықты қалау бойынша өзгерту мүмкін емес.

•3D ойнату режимінде BD Wise, экран өлшемін реттеу және ажыратымдылықты реттеу сияқты кейбір функциялар дұрыс жұмыс істемеуі мүмкін.

•3D сигналы дұрыс шығу үшін, жоғары жылдамдықты HDMI кабелін пайдалану керек.

•3D бейнелерін тамашалағанда, экраннан кемінде оның енінен үш есе үлкен қашықтықта отырыңыз. Мысалы, экранның диагональдық өлшемі 46 дюйм болса, экраннан 138 дюйм (11,5 фут) алыс отырыңыз.

•3D бейнесі жақсы көріну үшін, 3D бейне экраны көзбен бір деңгейде болуы керек.

•Ойнатқыш кейбір 3D құрылғыларына қосылған болса, 3D әсері дұрыс істемеуі мүмкін.

•Бұл ойнатқыш 2D мазмұнды 3D пішіміне түрлендірмейді.

•«Blu-ray 3D» және «Blu-ray 3D» логотипі

— «Blu-ray Disc Association» компаниялар тобының сауда белгілері.

Авторлық құқық

© 2012 Samsung Electronics Co.,Ltd.

Барлық құқықтары қорғалған. Samsung Electronics Co.,Ltd компаниясының алдын ала жазбаша рұқсатынсыз осы пайдаланушы нұсқаулығын ішінара немесе толық қайта басуға немесе көшіруге тыйым салынады.