Е-нұсқаулықты қолдануға қатысты толық ақпарат алу үшін (б. 14)

Аталмыш пайдаланушыға арналған нұсқаулықтағы суреттер мен иллюстрациялар тек жалпылама ақпарат ретінде ғана берілген және олар құрылғының нақты көрінісінен өзгеше болуы мүмкін. Өнімнің дизайны мен техникалық сипаттамасы алдын ала ескертусіз өзгертілуі мүмкін.

Сандық теледидарға қатысты құлақтандыру

1.Сандық теледидар (DVB) функциялары тек DVB-T (MPEG2 және MPEG4 AVC) сандық жерүсті сигналдары таратылатын немесе DVB-C (MPEG2 және MPEG4 AAC) сигналдарымен сыйысымды кабельдік телевизия қызметі көрсетілетін елдер/аймақтарда ғана бар. DVB-T немесе DVB-C сигналдарын қабылдау мүмкіндігінің бар-жоғын білу үшін жергілікті дилерге хабарласыңыз.

2.DVB-T дегеніміз, сандық жерүсті сигналдарын таратуға қатысты, ал DVB-C дегеніміз, сандық сигналдарды кабельдік теледидар арқылы қабылдау бойынша DVB Еуропалық консорциум стандарты болып табылады. Дегенмен, EPG (Бағдарламалардың Электрондық Нұсқаулығы), VOD (Сұраныс бойынша Видео) тағы сол сияқты ерекше функциялардың түрі бұл нұсқаулықта қамтылмаған. Сондықтан оларға осы сәтте қолдау көрсетілмейді.

3.Бұл теледидар DVB-T және DVB-C соңғы стандарттарына [Тамыз, 2008] сай жасалса да, аталмыш теледидарға бұдан кейін шығатын DVB-T сандық жерүсті және DVB-C сандық кабельдік теледидар таратылым сигналдарын қолдайды деген кепілдік берілмейді.

4.Теледидар қолданылатын ел/аймақ түрлеріне қарай, кейбір кабельдік теледидар қызметінің провайдерлері көрсеткен қызметтері үшін қосымша төлемақы алуы және сіздің олар көрсетіп отырған қызмет шарттарына келісім беруіңіз қажет болуы мүмкін.

5.Кейбір елдер немесе аймақтарда сандық теледидардың кей функциялары жұмыс істемеуі және провайдерлердің кейбірінде DVB-C дұрыс жұмыс істемеуі мүмкін.

6.Қосымша ақпаратты жергілікті SAMSUNG тұтынушыларға қызмет көрсету орталығына хабарласып алыңыз.

✎✎Теледидардың сигналдарды қабылдау сапасына елдер арасындағы сигнал тарату тәсілдерінің әртүрлі болуы әсер етуі мүмкін. Теледидардың қалай жұмыс жасайтынын жергілікті SAMSUNG уәкілетті дилеріне немесе Samsung байланыс орталығына хабарласып, оны теледидарды қайта теңшеу арқылы реттеуге болатын-болмайтынын тексеріңіз.

Қимылсыз бейнеге қатысты ескерту

Бейнебетте қимылсыз бейнені (мысалы, jpeg суреттерінен тұратын файлдар) немесе қимылсыз бейне элементін (мысалы, теледидар бағдарламасының логотипі, панорама немесе 4:3 пішіміндегі сурет, экранның төменгі жағынан биржа жаңалықтары немесе жаңалықтар т.с.с.) көрсетпеңіз. Қимылсыз бейнені үздіксіз көрсеткенде, LED жарықтамалы бейнебетте қосарлы сурет пайда болады, бұл суреттің сапасына әсер етеді. Осы әсердің салдарын азайту үшін төмендегі ұсыныстарды орындаңыз:

•Теледидардан бір арнаны ұзақ уақыт көрмеңіз.

•Кез келген суретті теледидар экранына толық ашып көріңіз, ол үшін теледидардың бейне пішімі параметрлері мәзірін қолданыңыз.

•Суреттің сапасын қалаған деңгейге қою үшін жарықтылық және контраст мәндерін ең аз мәнге қойыңыз, бұл мәннен асырсаңыз “бейнебеттің жануы” үрдісі тездетуі мүмкін.

•Теледидардың “бейненің қалып қоюы” және “бейнебеттің жануы” тәрізді ақаулықтарды азайтуға арналған функцияларының барлығын жиі қолданыңыз, толығырақ ақпаратты е-нұсқаулықтан қараңыз.

Орнататын жерде қауіпсіз етіп дайындау

Ауа жақсы алмасып тұру үшін теледидар мен басқа заттар (мысалы, қабырға) арасындағы арақашықтықты жеткілікті түрде сақтаңыз. Бұлай істемеген жағдайда, өрт шығу қатері орын алып немесе өнімнің ішкі температурасының жоғарылауы нәтижесінде оған зиян келуі мүмкін.

✎✎Теледидарды тұрғыға қойғанда не қабырғалық аспа жинаққа орнатқанда тек Samsung Electronics бөлшектерін ғана қолданыңыз.

•Егер басқа өндіруші шығарған бөлшектерді қолдансаңыз, өнімге зақым келуі не ол құлап қалған жағдайда адам жарақаттануы мүмкін.

✎✎Өнімнің сыртқы көрінісі үлгі түріне қарай әртүрлі болуы мүмкін.

•Теледидарға қол тигізген кезде абай болыңыз, себебі кейбір бөліктері ыстық болуы мүмкін.

 

Тұрғыға орнату.

Қабырғалық аспа жинаққа орнату.

 

10 см

 

10 см

10 см

10 см

10 см

10 см

 

 

 

10 см

Казақ - 2