Samsung UE49KS9002T Zgjidhja e problemeve dhe mirëmbajtja, Zgjidhja e problemeve, Televizori nuk ndizet, Telekomanda nuk punon

Zgjidhja e problemeve dhe mirëmbajtja

Zgjidhja e problemeve

Nëse televizori duket të ketë ndonjë problem, shqyrtoni fillimisht këtë listë problemesh dhe zgjidhjesh të mundshme. Përndryshe, shqyrtoni seksionin "Zgjidhja e problemeve" në manualin elektronik. Nëse asnjëra nga këshillat e sugjeruara nuk e zgjidh problemin, vizitoni "www.samsung.com", shtypni Mbështet ose kontaktoni qendrën telefonike të shënuar në kapakun e pasmë të këtij manuali.

-- Ky panel TFT LED përbëhet nga nënpikëza që kërkojnë teknologji të sofistikuar për t'u prodhuar. Megjithatë, mund të ketë disa pikëza me shkëlqim ose të errëta në ekran. Këto pikëza nuk do të kenë asnjë ndikim në funksionimin e produktit.

-- Për ta mbajtur televizorin në një gjendje optimale, përdorni softuerin më të ri. Përdorni funksionet Përditëso tani ose Përditësimi automat. në menynë e televizorit ( >Cilësimet > Mbështet > Përditësimi i softuerit > Përditëso tani ose >Cilësimet > Mbështet > Përditësimi i softuerit > Përditësimi automat.).

Televizori nuk ndizet.

•Sigurohuni që kordoni elektrik (AC) të jetë futur siç duhet në televizor dhe në prizë.

•Sigurohuni që priza funksionon dhe që treguesi i energjisë në televizor ndriçon dhe lëshon dritë të kuqe e të fortë.

•Provoni të shtypni butonin e ndezjes në televizor për t'u siguruar që problemi nuk vjen nga telekomanda. Nëse televizori ndizet, drejtojuni “Telekomanda nuk punon” më poshtë.

Nga pajisja e jashtme nuk del figurë/video/zë ose del figurë/video/zë i shformuar, ose në televizor shfaqet mesazhi "Weak or No Signal (Sinjal i dobët ose nuk ka sinjal)", ose nuk mund të gjendet kanali.

•Sigurohuni që lidhja me pajisjen është e saktë dhe që të gjitha kabllot janë vendosur plotësisht.

•Hiqni dhe rilidhni të gjithë kabllot e lidhura me televizorin dhe me pajisjet e jashtme. Nëse është e mundur, provoni kabllo të reja.

•Konfirmoni që është zgjedhur burimi i saktë hyrës ( > Burimi).

•Kryeni një vetëdiagnostikim të televizorit për të përcaktuar nëse problemi shkaktohet nga televizori ose nga pajisja. ( >Cilësimet > Mbështet > Vetë-diagnostikim > Fillo testin e figurës ose Fillo testin e zërit).

•Nëse rezultatet e testit janë normale, rindizni pajisjet e lidhura duke hequr nga priza të gjithë kordonët elektrikë të tyre dhe duke i vendosur sërish në prizë. Nëse problemi vazhdon, drejtojuni udhëzuesit të lidhjes në manualin e përdorimit të pajisjes së lidhur.

•Nëse televizorit nuk është i lidhur me kabllo ose me dekodues, kryeni Sintonizimi automatik për të kërkuar për kanale ( >Cilësimet > Transmetimi > Sintonizimi automatik).

Telekomanda nuk punon.

•Kontrolloni nëse treguesi i energjisë në televizor pulson kur shtypni butonin e ndezjes në telekomandë. Nëse nuk pulson, ndërroni bateritë e telekomandës.

•Sigurohuni që bateritë janë vendosur me polet (+/–) në pozicionet e duhura.

•Përpiquni ta drejtoni telekomandën nga televizori, në largësi 5 ft deri në 6 ft (1,5~1,8 m).

•Nëse televizori vjen me telekomandë (telekomandë me Bluetooth), sigurohuni që ta çiftoni me televizorin. (Drejtojuni manualit elektronik.)

Telekomanda e marrësit ose dekoduesit nuk e ndez ose fik televizorin ose nuk rregullon volumin.

•Programoni telekomandën e dekoduesit kabllor/tokësor për të komanduar televizorin. Drejtojuni manualit të përdorimit të dekoduesit kabllor/tokësor për kodin e televizorit SAMSUNG.

Shqip

Shqip - 7