Instalimi i siguresës kundër vjedhjes

Siguresa kundër vjedhjes është një pajisje fizike që mund të përdoret për të mbrojtur televizorin nga vjedhja. Kërkoni folenë e siguresës në pjesën e pasme të televizorit. Foleja ka një ikonë përbri saj. Për ta përdorur siguresën, mbështilleni kabllon e siguresës rreth një objekti që është shumë i rëndë për t'u mbajtur dhe më pas futeni në folenë e siguresës së televizorit. Siguresa shitet veçmas. Mënyra e përdorimit të siguresës kundër vjedhjes mund të ndryshojë në çdo model televizori. Për informacione të mëtejshme, drejtojuni manualit të përdorimit të siguresës.

"" Ky funksion nuk disponohet në modele të caktuara në rajone gjeografike specifike.

Lexojeni përpara konfigurimit të lidhjes me valë të internetit

Masa paraprake për lidhjen me valë të internetit

●● Ky televizor mbështet protokollet e komunikimit IEEE 802.11 a/b/g/n/ac. Samsung-u rekomandon përdorimin e IEEE 802.11n. Skedarët e videove të ruajtur në pajisje të lidhur me televizorin nëpërmjet rrjetit të shtëpisë mund të mos luhen pa probleme.

"" Protokolli i komunikimit "IEEE 802.11 ac" nuk disponohet në modele të caktuara.

●● Për të përdorur internetin me valë, televizori duhet të lidhet me një rrugëzues ose modem me valë. Nëse rrugëzuesi me valë mbështet DHCP-në, televizori mund të përdorë adresë DHCP ose statike për t'u lidhur me rrjetin me valë.

●● Zgjidhni një kanal për rrugëzuesin me valë që nuk është aktualisht në përdorim. Nëse kanali i caktuar për rrugëzuesin me valë po përdoret aktualisht nga një pajisje tjetër, kjo rezulton në interferencë dhe/ose ndërprerje të komunikimit.

●● Shumica e rrjeteve me valë kanë sistem sigurie opsional. Duhet të krijoni një fjalëkalim me anë të karaktereve dhe numrave për të aktivizuar sistemin e sigurisë së rrjetit me valë. Më pas ky fjalëkalim nevojitet për t'u lidhur me një AP që e ka sigurinë e aktivizuar.

Protokollet e sigurisë me valë

Televizori mbështet vetëm protokollet vijuese të sigurisë së rrjetit me valë.

––Modalitetet e autentikimit: WEP, WPAPSK, WPA2PSK

––Llojet e enkriptimit: WEP, TKIP, AES

Televizori nuk mund të lidhet me rrugëzuesit me valë të pacertifikuar.

Në përputhje me specifikimet më të reja të certifikimit Wi-Fi, televizorët Samsung nuk mbështesin enkriptimet e sigurisë WEP ose TKIP në rrjete që funksionojnë në modalitetin 802.11n. Nëse rrugëzuesi me valë mbështet WPS-në (konfigurim i mbrojtur Wi-Fi), mund të lidhni televizorin me rrjetin me anë të PBC-së (konfigurim me shtypje butoni) ose PIN-it (numër personal identifikimi). WPS-ja i konfiguron automatikisht cilësimet e kodit SSDI dhe WPA.

- 119 -