Masat paraprake të sigurisë

Për të parandaluar lëndimet personale dhe ndaj të tjerëve ose dëmtimet e pajisjes, lexoni të gjithë informacionin në vijim përpara përdorimit të saj.

Paralajmërim! Parandaloni goditjen elektrike, zjarrin dhe shpërthimin

Mos përdorni kabllo elektrike ose spina dhe priza elektrike të liruara

Mos i prekni kabllot me duar të lagura ose mos e hiqni ngarkuesin nga priza duke e tërhequr nga kablloja

Mos e përthyeni dhe mos e dëmtoni kabllon elektrike

Mos e përdorni pajisjen gjatë ngarkimit, dhe as mos e prekni pajisjen me duar të lagura

Mos bëni lidhje të shkurtër të ngarkuesit ose të baterisë

Mos e rrëzoni ose mos i shkaktoni përplasje ngarkuesit ose baterisë

Mos e ngarkoni baterinë me ngarkues të pamiratuar nga prodhuesi i saj

Mos e përdorni pajisjen tuaj gjatë një stuhie

Pajisja juaj mund të funksionojë keq dhe rreziku i goditjes elektrike rritet.

Mos përdorni bateri me jone litiume (Li-Ion), të cilat janë të dëmtuara ose me rrjedhje

Për hedhjen e sigurt të baterive tuaja Li-Ion, kontaktoni me qendrën më të afërt të autorizuar të shërbimit.

Përdorini dhe hidhini bateritë dhe karikuesit me kujdes

•Përdorni vetëm bateri dhe ngarkues të miratuar nga Samsung, të modeluar posaçërisht për pajisjen tuaj. Bateritë dhe ngarkuesit e papërshtatshëm mund të shkaktojnë lëndime serioze ose mund të dëmtojnë pajisjen tuaj.

•Mos i hidhni kurrë bateritë ose pajisjet në zjarr. Ndiqni të gjitha rregullat lokale kur hidhni bateritë ose pajisjet e përdorura.

•Mos i vendosni kurrë bateritë ose pajisjet mbi ose brenda pajisjeve ngrohëse, si p.sh. furrat me mikrovalë, sobat ose kaloriferët. Bateritë mund të shpërthejnë kur nxehen shumë.

136Masat paraprake të sigurisë