Samsung BQ2Q7G214/BOL manual Користење на упатството, Мерки за безбедност, Електрична Безбедност

користење на упатството

Ви благодариме што купивте SAMSUNG рерна за вградување.

Ова упатство за користење содржи важни информации околу безбедноста и помошните инструкции кои се однесуваат на употребата и одржувањето на вашиот уред.

Пред да започнете со употребата на уредот, ве молиме да го прочитате упатството и да го задржите за користење во иднина.

Во текстот од упатството се користат следните симболи.

Предупредување или внимание

Важно

Забелешка

мерки за безбедност

Инсталацијата на оваа рерна може да ја изврши единствено овластен електричар. Лицето што ќе ја врши инсталацијата е одговорно за поврзување на уредот на напојувањето во согласност со соодветните безбедносни препораки.

ЕЛЕКТРИЧНА БЕЗБЕДНОСТ

Немојте да ја поврзувате рерната доколку таа е оштетена при транспорт.

•Единствено електричар со специјално овластување може да го поврзе овој уред со напојувањето.

•Во случај на дефект или оштетување на уредот, не обидувајте се да го употребувате.

•Поправките може да ги извршува само овластено техничко лице. Неправилните поправки може да предизвикаат сериозна опасност за вас и за другите лица. Доколку рерната треба да се поправи, обратете се до SAMSUNG сервисниот центар или до вашиот продавач.

•Доколку кабелот за напојување е оштетен, треба да се замени со специјален кабел кој може да го набавите од производителот или од овластениот сервисер. (само тип на уред со фиксно поврзување)

•Ако кабелот за напојување е оштетен, тој мора да се замени од страна на производителот, сервисерот или други квалификувани лица со цел да се избегнат несакани ситуации. (само тип на уред со кабел за напојување)

•Електричните кабли не смеат да ја допираат рерната.

•Рерната треба да биде поврзана со напојувањето преку соодветен прекинувач или осигурувач. Никогаш немојте да користите продолжителни кабли или адаптери со повеќе приклучни места.

•Плочката со податоци е поставена на десната страна од вратата.

•При поправањето или чистењето на уредот, напојувањето треба да биде исклучено.

•Внимавајте при приклучувањето на други електрични уреди во штекер во близина на рерната.

•Уредот не е наменет за употреба од страна на лица (вклучувајќи деца) со намалени физички, сетилни или ментални способности, недоволно искусни или обучени лица, освен доколку истите не се надгледуваат или не им се дадени инструкции од страна на лицето одговорно за нивната безбедност.

•По инсталирањето, потребно е да бидете во можност да го исклучите. Исклучувањето може да се изврши ако имате пристап до приклучокот или ако вградите прекинувач во фиксната инсталација во согласност со правилата за поставување инсталација.

ПРЕДУПРЕДУВАЊЕ: Достапните делови може да се загреат за време на употребата. За да избегнете изгореници не дозволувајте им на малите деца да бидат во близина.

2_ користење на упатството

BQ2Q7G214_BOL_DG68-00447J-01_MK.indb 2

7/4/2013 1:19:54 PM