●● Kur e pastroni, mos spërkatni ujë ose pastrues drejtpërdrejt mbi sipërfaqen e produktit. Spërkatja e syzeve me ujë ose solucion pastrimi mund të shkaktojë zjarr ose goditje elektrike, dëmtim të sipërfaqes së produktit ose mund të shkaktojë lirimin e etiketave treguese në sipërfaqen e produktit.

●● Mos përdorni mbi produktin kimikate që përmbajnë alkool, tretës ose surfaktantë si dyllë, benzen, hollues, pesticid, freskues ajri, lubrifikues ose pastrues. Këto kimikate mund të shkaktojnë çngjyrosjen ose plasaritjen e pjesës së jashtme të produktit ose heqjen e etiketave ose të udhëzimeve. Për pastrimin e produktit përdorni vetëm lecka të buta si p.sh. fibra shumë të holla ose leckë prej pambuku, sepse sipërfaqja ose lentet plasariten me lehtësi. Për arsye se produkti mund të gërvishtet lehtësisht nga substancat e huaja, sigurohuni ta shkundni leckën përpara përdorimit.

●● Mos i çmontoni dhe mos u përpiqni t'i riparoni ose t'i modifikoni vetë syzet 3D Active.

●● Bëni kujdes të mos lejoni që fundi i pllakëzave mbajtëse të syzeve 3D Active t'ju dëmtojë sytë. ●● Mos i mbani syzet 3D kur flini. Mund t'u thyeni bishtat.

●● Përdorni duart për të vendosur ose për të hequr syzet 3D.

●● Për syzet e modeleve SSG-5100 dhe SSG-5150, përdorni vetëm bateritë standarde të specifikuara. Kur ndërroni bateritë, futeni baterinë në mënyrë që polariteti i saj (+, –) të jetë i saktë. Nëse nuk i vendosni në këtë mënyrë mund të dëmtoni baterinë ose mund të shkaktoni zjarr, lëndim personal ose dëmtim të mjedisit për shkak të rrjedhjes së lëngut nga bateria.

●● Për syzet e modeleve SSG-5100 dhe SSG-5150, mbajeni baterinë e përdorura larg fëmijëve në mënyrë që të mos i gëlltisin aksidentalisht. Nëse fëmija gëlltit baterinë, konsultohuni menjëherë me mjekun.

●● Gëlltitja e baterisë cilindrike (e llojit si kopsë) mund të shkaktojë dëmtim të rëndë të organeve të brendshme. Në këtë rast, kontaktoni menjëherë mjekun.