Përdorimi i telekomandës virtuale

Shtypni butonin MORE për të shfaqur panelin e telekomandës virtuale në ekran. Paneli i telekomandës virtuale përbëhet nga një panel numerik, një panel luajtjeje dhe një panel hapjeje të shpejtë. Përdorni bllokun e prekjes për të zgjedhur numra dhe butona. Shtypni dhe mbani butonin MORE. Në panelin e telekomandës virtuale do të shfaqet paneli i hapjes së shpejtë. Butonat në ekran mund t'i zgjidhni lehtësisht.

Ndryshimi i panelit të telekomandës virtuale

Zgjidhni panelin numerik, panelin e luajtjes ose panelin e hapjes së shpejtë si panelin që do të shfaqet në ekran.

Përdorni bllokun e prekjes për të vazhduar lëvizjen e fokusit majtas ose djathtas. Paneli ndryshon kur fokusi lëviz përtej skajit më të majtë ose më të djathtë.

Për të ndryshuar panelin me lehtësi përdorni funksionin e lëvizjes majtas/djathtas në bllokun e prekjes.

Ndryshoni pozicionin e panelit të telekomandës virtuale

Shtypni butonin MORE në Smart Touch Control. Paneli i telekomandës virtuale shfaqet në ekran. Shtypni dhe mbani bllokun e prekjes për një sekondë. Përdoruesit mund ta ndryshojnë pozicionin e panelit të telekomandës virtuale në ekran.

Përdorimi i panelit numerik

Përdorni panelin numerik për të futur numra në ekranin e tastierës ose në faqe interneti ose për të ndryshuar kanalin ndërkohë që shikoni televizor. Ndryshimi i kanalit me bllokun numerik lë një shënim, duke mundësuar kthim të lehtë në kanalet e mëparshme.

Përdorimi i panelit të luajtjes

Përdorni panelin e luajtjes për të ndaluar, për t'u kthyer, për të ecur shpejt përpara, për të kapërcyer në skedarin tjetër dhe për shumë të tjera ndërkohë që përdorni materiale media.

Përdorimi i panelit të hapjes së shpejtë

Përdorni shpejt butonat INFO, MENU dhe e-Manual. Megjithatë, disponueshmëria e butonave ndryshon në varësi të modalitetit të përdorimit të Smart Touch Control (vetëm me televizorin, si telekomandë universale etj.).

Rregullimi i telekomandës virtuale

Menyja e ekranit > Sistemi > Menaxher pajis. > Cilësimet e Smart Touch Control > Madhësia e telekom. në ekran

Provo tani

Mund ta rivendosni madhësinë e telekomandës virtuale. Nëse butonat e telekomandës virtuale janë shumë të vegjël, zmadhoni dritaren e telekomandës përpara se të përdorni telekomandën virtuale.