Ndërveprimi SMART

Ky televizor karakterizohet nga ndërveprimi SMART, i cili njeh zërin, veprimet dhe fytyrën e përdoruesit për të aktivizuar funksionet e televizorit pa përdorur telekomandën. Veçoritë e kontrollit me lëvizje dhe të njohjes së fytyrës kërkojnë që në televizor të instalohet një kamerë e blerë veçmas. Sigurohuni që televizori të jetë i lidhur me internetin gjatë instalimit të kamerës së televizorit, që të mund të shkarkojë softuerin e nevojshëm për kontrollin me lëvizje. Ndërveprimi SMART mundëson konfigurimin e cilësimeve dhe përdorimin e veçorive me lehtësi. Duhet të kalojnë rreth 15 minuta nga ndezja e televizorit që të aktivizohet njohja e zërit dhe e lëvizjeve.

––Kontrolli zanor dhe njohja e fytyrës mund të mos disponohen në të gjitha rajonet dhe territoret.

––Disa veçori të Smart Hub të Samsung mund të mos disponohen pa shprehjen e miratimit për mbledhjen dhe përdorimin e informacionit personal.

[[ Kur lidhni kamerën e televizorit me modelet e televizorëve Samsung të vitit 2013, sigurohuni që ta lidhni në folenë e përcaktuar USB të televizorit. Foletë e tjera USB nuk mbështeten për këtë qëllim.

Masat paraprake

Njohja e fytyrës

Ky produkt ruan imazhet miniaturë të fytyrave të përdoruesve në mënyrë që t'i përdorë gjatë identifikimit me anë të fytyrës. Identifikimi në Smart Hub me anë të njohjes së fytyrës mund të jetë më pak i sigurt se sa identifikimi me anë të përdorimit të ID-së dhe fjalëkalimit.

Përdorimi i kamerës së televizorit

Në disa rrethana dhe sipas disa kushteve ligjore, përdorimi/keqpërdorimi i kamerës së televizorit mund të rezultojë në përgjegjësi ligjore. Mund të ketë detyrime sipas ligjeve vendase mbi privatësinë në lidhje me mbrojtjen e individëve për sa i përket të dhënave personale dhe qarkullimit të lirë të këtyre të dhënave dhe sipas ligjeve të tjera të mundshme, duke përfshirë ligjet penale, që rregullojnë mbikëqyrjen me kamera si në vendin e punës, ashtu edhe në ambiente të tjera.

Për përdorimin e kamerës së televizorit, përdoruesit bien dakord që të mos e përdorin kamerën (i) në vende ku në përgjithësi ndalohet përdorimi i saj (si p.sh. në tualete, në dhomat e zhveshjes), (ii) në një mënyrë të tillë që rezulton në shkeljen e privatësisë së personit ose (iii) në shkelje të ligjeve në fuqi, të rregulloreve ose të statuteve.

Nëse do të përdorni kamerën, fillimisht kontrolloni pjesën e pasme për ngjitëse. Hiqni letrën e ngjitëses përpara se të rregulloni këndin e kamerës së televizorit.

Kur nuk e përdorni më kamerën, rrotulloni lenten në pozicionin drejt dhe sigurojeni në vend. Kjo parandalon funksionimin e pakujdesshëm ose të paqëllimshëm të kamerës.