Munsesi hyrje
Ndryshimi i përmasës të fontit
Përdoreni këtë veçori për të ndryshuar përmasën e fontit. Pajisja ofron përmasa të ndryshme fonti për ta bërë pajisjen më të lehtë për përdoruesit me shikim të kufizuar. Vendosja e përmasës të fontit në Shumë i madh mund të mos jetë i disponueshëm në disa aplikacione.
Në ekranin e Aplikacioneve, shtypni Cilësimet →Munsesi hyrje →Shikimi →Madhësia e fontit.
Zmadhimi i ekranit
Përdoreni këtë veçori për të zmadhuar ekranin dhe për të zmadhuar në një pjesë të caktuar.
Në ekranin e Aplikacioneve, shtypni Cilësimet →Munsesi hyrje →Shikimi →Gjestet zmadhuese, dhe pastaj tërhiqeni çelësin Gjestet zmadhuese në të djathtë.
•Zmadhimi dhe zvogëlimi: Shtypni tre herë me shpejtësi ekranin për të zmadhuar mbi një zonë të caktuar. Shtypni përsëri tre herë me shpejtësi ekranin për t'u kthyer.
•Eksplorimi i ekranit duke rrëshkitur: Përdorni dy gishtat për të rrëshkitur nëpër ekranin e zmadhuar.
•Rregullimi i raportit të zmadhimit: Shtypni ekranin me dy gishta mbi ekranin e zmadhuar. Pastaj, hapini dy gishtat veç ose bashkojini ato për të rregulluar raportin.
•Tastierat mbi ekran nuk mund të zmadhohen.
•Kur është e aktivizuar kjo veçori, performanca e disa aplikacioneve, si Telefon dhe Llogaritësja, mund të ndikohet.
Vendosja e kujtuesve të njoftimeve
Përdoreni këtë veçori për t'ju lajmëruar për njoftime që nuk i keni kontrolluar në interval.
Në ekranin e Aplikacioneve, shtypni Cilësimet →Munsesi hyrje →Shikimi →Përkujtesa e njoftimit, dhe pastaj tërhiqeni çelësin Përkujtesa e njoftimit në të djathtë.
Për të vendosur një interval midis lajmërimeve, shtypni Intervali i përkujtesës.
236