Zgjidhja e problemeve

Ekrani me prekje përgjigjet ngadalë ose jo siç duhet

•Nëse ngjitni një kapak mbrojtës ose aksesorë opsionalë në ekranin me prekje, ekrani mund të mos funksionojë mirë.

•Nëse keni veshur doreza, nëse duart nuk i keni të pastra kur prekni ekranin, ose nëse shtypni në ekran me objekte të mprehta ose thonjtë e gishtave, ekrani me prekje mund të mos funksionojë mirë.

•Ekrani me prekje mund të keqfunksionojë në kushte lagështie ose kur ekspozohet ndaj ujit.

•Rindizeni pajisjen për të pastruar çdo problem të përkohshëm softueri.

•Sigurohuni që softueri i pajisjes tuaj të jetë përmirësuar në versionin më të fundit.

•Nëse ekrani me prekje është i gërvishtur ose i dëmtuar, vizitoni një Qendër Shërbimi Samsung.

Pajisja juaj ngrin ose ka gabime fatale

Nëse pajisja juaj ngrin ose ndalon, mund t'ju duhet të mbyllni aplikacionet ose të rivendosni baterinë dhe ta ndizni pajisjen përsëri për të funksionuar. Nëse pajisja juaj është e ngrirë dhe nuk përgjigjet, shtypni dhe mbani shtypur butonin Energji dhe butonin Volum njëkohësisht për më shumë se 7 sekonda për ta rindezur.

Nëse kjo nuk e zgjidh problemin, bëni një rivendosje të parametrave të fabrikës. Në ekranin e Aplikacioneve, shtypni Cilësimet →Rezervimi dhe ricilësimi →Ricilësim në parametrat e fabrikës →Rivendos pajisjen →Fshij të gjitha. Para se të kryeni rivendosjen e të dhënave të fabrikës, mos harroni të krijoni kopje rezervë të të gjithë të dhënave të rëndësishme të ruajtura në pajisje.

Nëse problemi nuk zgjidhet përsëri, kontaktoni një Qendër Shërbimi Samsung.

Telefonatat nuk lidhen

•Sigurohuni që të përdorni rrjetin celular të duhur.

•Sigurohuni që të mos keni caktuar ndalimin e telefonatave për numrin që po telefononi.

•Sigurohuni që të mos keni caktuar ndalimin e telefonatave për numrin e telefonit që po hyn.

Të tjerët nuk mund t'ju dëgjojnë kur flisni në një telefonatë

•Sigurohuni që nuk po mbuloni mikrofonin e telefonit.

•Sigurohuni që mikrofoni të jetë afër me gojën tuaj.

•Nëse po përdorni një kufje, sigurohuni që të jetë lidhur si duhet.

248